MANCHESTER, 25 Mei — Manchester United nutup Liga Premier (EPL) musin tu mujur ngalahka Brighton 3-0 diserumbaka kapten tim Bruno Fernandes masuk sejarah liga baru ba rikod bantu gol.
Pemain tengah Portugis nya mechahka rikod pemadu mayuh mantu gol dalam musin Liga Premier enggau ngerikod 21 mantu musin tu, ngelui rikod ke dipegai Thierry Henry enggau Kevin De Bruyne.
Gol pemuka United setengah main lebuh bol ditanduk Patrick Dorgu enda ulih ditangkap penyaga gol Bringthon pengudah nerima pasing ari sipak sukut Fernandes.
Tim Michael Carrick terus nguasa main lalu ba pengujung setengah main, pasing Amad Diallo ba kutak penalti mujur dipasukka Bryan Mbeumo ti nyadi gol kedua enggau mudah.
Fernandes mega ngukir nama iya nya pemasuk gol lebuh sipak iya mujur masuk ngagai gol Brigthon ba setengah main kedua.
Gol disangka offside, tang pemutus Penulung Pengadil Video (VAR) ngentaska gol nya.
Pemenang nya ngujungka Manchester United ba penuduk lumur tiga dalam liga ba ujung musim, setipak enggau Carrick dichirika nyadi menijar tetap.
Kelimpah ari nya, Brighton ngentaska penuduk sida ba ‘UEFA Conference League’ ungkup musim baru.
Pemutus kebukai, Arsenal 2-1 Crystal, Liverpool 1-1 Brentford, Manchester City alah ngelaban Aston Villa 1-2 enggau Chelsea alah 1-2 ngelaban Sunderland. – RBI
