BELAGA, 5 Julai — Sebuah kubi ke diempu kompeni angus ba penusah angus di ba sebuah ladang Sungai Asap, seharitu.
Balai Bomba enggau Penyah Penusah (BBP) Belaga nerima kangau ngenyit bekaul enggau penusah nya urung pukul 10.56 pagi sebedau tiga iku kaban ngesah ngagai endur nya urung 130 kilometer penyauh.
Raban ti betuaika PBK I Lawrence Linggi, anak Patrick Nyangaw datai ba endur nya urung pukul 1.17 lemai lalu nemu kubi nya udah angus lalu api udah padam abis.
Nitihka ripot komander operasyen, tim bomba udah nya bejalaika pengawa meresa enggau matau dikena nentuka nadai risiko angus baru tauka penusah bukai ba endur penusah nya nyadi.
Bepelasarka penerang ripot bomba, penusah nya dipelabaka nyadi urung pukul 7 pagi pengudah dipadah siku jaga ti bejalaika pengawa ke alai sebuah kubi enggi kompeni dipelaba angus.
Orang ke ngaga ripot enggau jaga udah nya ngelawa endur penusah nya nyadi sebedau penusah nya diripot ngagai opis bomba.
Operasyen nya dientaska ulih dijaga urung pukul 2.20 lemai lalu tembu abis pukul 3.14 lemai pengudah tim nentuka gaya nya likun sereta nadai risiko angus nyadi baru. – RBI
#ruaiberitaiban#newsiban#beritaiban
Rindu | Titih | Kunsika
