SEKUAU, 28 Mei – Kaban Parlimen Selangau, Edwin Anak Banta udah nyuaka agih belanja Projek Mit Menua Pesisir (MRP) sepenyampau RM285,000 ngagai 65 penerima di Dewan Pengulu Balang Sekuau kemari.
Nengah agih belanja nya, Edwin ngarapka mayuh macham aktiviti komuniti, program pemansang komuniti enggau inisiatif ngenegapka penyerakup ba renggat baruh ulih dipejalaika enggau ngasi agi.
Dalam jaku dipansutka iya, Edwin nyemetak madahka pemansang rayat enda ulih diseraraka ari pengawa chakah ngaul diri raban indu ti bejalaika tanggungpengawa besai dalam nyaga pengelantang enggau penyulut dalam raban bansa.
Iya mansutka jaku nya ba Pengerami Beranchau Tikai Skim Sekuau 2026.
“Pengawa nyuaka bantu tu mandangka komitmen ti seruran dipejalai dikena ngenegapka orang indu nyadi tiang ke beguna dalam pemansang komuniti menua pesisir, kelimpah ari nentuka tetiap genturung pendiau terus nerima pemaik ari pemansang komprehensif.
“Aku mega ngarapka bantu ke diberi tu ulih dikena enggau naka pemanah dikena ngenegapka pengelantang pendiau peranak menua tu sereta ngangkatka agi aktiviti rama enggau komuniti di kandang menua Sekuau,” ku iya.
Pengerami nya bela digulu Saga anak Chunggat, pengari Pemesai Opis Pelilih Selangau, Chua Siong Wei, Joanes anak Tulang, ketuai komuniti enggau ketuai raban bansa, chairman JKKK enggau peranak menua nya. -RBI
#ruaiberitaiban#newsiban#beritaiban
Rindu | Titih | Kunsika
