SONG, 3 Julai — Jalai akses sungai ba Jematan Musah diatu udah dibuka baru ngagai mensia mayuh, ku Kaban Kunsil Nengeri (ADUN) Katibas, Lidam Assan.
Iya madah, mensia mayuh dipinta seruran ngemeratka pengelikun maya nengah kandang endur nya tauka betanya ngagai kunteriktor menua nya nyema begunaka bantu.
Berindik enggau nya, mensia mayuh dilalau ngambika seruran ngemeratka sukut pengelikun maya nengah jalai nya sereta nitihka semua atur bejejaga ti udah ditetapka ba kandang endur nya.
Ku Lidam, penguna diperansang ngaga kaul enggau kunteriktor nyema sida begunaka sebarang bantu tauka penerang silik bekaul enggau gaya ba endur nya.
“Mensia mayuh dipinta seruran bejejaga sereta ngemeratka pengelikun diri maya nguna palan tu,” ku iya nambah lebuh dirandau Ruai Berita Iban.— RB
