KUCHING, 19 Mei — Perintah Sarawak netapka 3 enggau 4 Jun 2026 nyadi Hari Besai Besilih berindik ari sekeda hari besai betindih di nengeri tu.
Nitihka penerang ari Sekretari Perintah Sarawak sehari tu, deklarasyen nya digaga nitihka penetap ari baruh Seksyen 5 Ordinan Hari Besai Awam [Cap. 8 (1958 Ed.)] pengudah bulih pemendar ari Tuai Pemegai Menua (TYT) Negeri Sarawak.
Penerang nya enggau terang madahka 3 Jun 2026 dipadah nyadi Hari Besai Mensia Mayuh nganti pengerami Hari Wesak ti labuh kena 31 Mei 2026.
Berebak enggau nya, 4 Jun 2026 dipadahka nyadi Hari Besai Mensia Mayuh nganti Hari Gawai Dayak laban pengerami nya beserak enggau Hari Pengada Yang di-Pertuan Agong kena 1 Jun 2026.
Deklarasyen nya digaga nyadika ganti hari besai ti udah disediaka dalam Taga Keterubah Ordinan Hari Besai. – RBI
#ruaiberitaiban#newsiban#beritaiban
Rindu | Titih | Kunsika
