PAKAN, 19 Jun – Pengawa jampat raban RELA Pelilih Pakan mujur meri bantu tumu ngagai siku orang ba penusah aksiden kediri ti ngaul sebuah mutosikal besemak enggau simpang Opis RELA Pelilih Pakan, kemari.
Ba penusah nya, lapan iku raban RELA ke benung bejalaika pengawa matau genturung pendiau terus mantu tudah sepengudah nerima penerang bekaul enggau penusah nya.
Tudah nya siku lelaki diripotka bakal mimit ba bau.
Bala RELA ke bejalaika pengawa ukai semina meri bantu tumu ngagai tudah, tang mega nyaga arus trafik ba palan penusah nyadi dikena nentuka pengelikun penguna jalai alun ke bukai sereta nyeliahka sebarang risiko tambah.
Pengawa enggau pengirau ati ti jampat dipandangka raban RELA ngayanka komitmen ti seruran ngenegapka pangku pengawa mantu komuniti sereta nentuka pengelikun mensia mayuh terus dijaga ba kandang menua nya. -RBI
#ruaiberitaiban#newsiban#beritaiban
Rindu | Titih | Kunsika
