SAMARAHAN, 4 Mei — Opis Kereja Raya (JKR) Bagi Menua Samarahan madahka pengawa nutup setengah jalai sementara deka dipejalaika ba jalai ‘Q2018 Western Approach to Sebuyau Bridge’ (Missing Link), Pelilih Sebuyau, dikena meri awak ngagai pengawa ngemanahka jalai enggau pengawa nyeruri jalai.
Pengawa bejalaika pengawa tu ngaul kandang endur KM0+000 ngagai KM1+500 lalu deka berengkah kena 4 Mei 2026 nyentuk 31 Mei 2026.
Nitih ku JKR Bagi Menua Samarahan, pengawa nutup tu beguna dikena nentuka kereja nyeruri jalai alun ulih dipejalaika enggau likun, teratur sereta nitihka spesifikasyen teknikal ke udah ditetapka, kelimpah ari ngangkatka tikas pengelantang enggau pengelikun penguna jalai alun jemah ila.
Dalam timpuh tu, pengawa nutup setengah jalai sementara deka dipejalaika ba endur ke bisi kaul.
Penguna jalai alun dilalau ngambika seruran bejejimat lebuh nengah kandang endur gawa, ngasika semua tanda pengelikun enggau atur pengawal trafik ti bejalaika pengawa.
Mensia mayuh mega diperansang merambu pejalai sida tumu dikena nyeliahka penyekut jalai alun.
Opis Kereja Raya Bagi Menua Samarahan mega meri besai terima kasih ngagai kerejasama semua penguna jalai alun sepemanjai timpuh pengawa tu dipejalaika.
Sebarang tanya bukai bekaul enggau arus trafik tau dianjung maya jam opis ngagai Opis Operasyen Opis Kereja Raya Bagi Menua Samarahan nengah lumur 082-672 816, tauka betanya ngagai Ir. Ts. Allan Chu enggau terus. — RBI
#Beritalban | Ruai Berita Iban
Rinduka | Titihka | Kunsika
Sumber, photo — JKR Bagi Menua Samarahan
