PETRA JAYA, 19 Mei — Raban Tuai Komuniti enggau Tuai Raban Bansa (KMKK) ari Dewan Undangan Nengeri (DUN) Bukit Semuja sehari tu udah nemuai meri basa ngagai opis Sapit Premier Sarawak, Datuk Amar Douglas Uggah Embas ba Begunan DUN Sarawak.
Penemuai nya dikena nyuaka tesau rasmi ngagai iya ngulu Pengerami Gawai DUN Bukit Semuja ti diperambu deka diatur kena 5 Jun 2026.
Raban KMKK mega disempulang Kaban Kunsil Nengeri (ADUN) Bukit Semuja, John Ilus.
Aum nya mandangka kaul rat entara ketuai komuniti ba renggat baruh enggau ketuai nengeri dalam pengawa ngenegapka penyerakup enggau semengat sepenemu beserimbai enggau pengerami Hari Gawai Dayak.
Pengerami Gawai DUN Bukit Semuja dikearapka ulih ngempuru mensia mayuh ari bemacham serak pengidup ngintu pengerami nya dalam gaya pengelantang enggau semengat berakup. – RBI
#ruaiberitaiban#newsiban#beritaiban
Rindu | Titih | Kunsika
