KUCHING, 5 Mei — Opis Pengintu Pengelantang Raban Bansa Sarawak (JKMS) ngatur sesi randau strategik ngatur Bantu Perubat enggau Bantu Penusah Ngenyit ba Bilik Aum Besai iya, ti ngaul kerejasama mayuh bengkah ejensi kunsi perintah nengeri.
Sesi nya ngempuruka pengari ari Unit Ngatur Kunterik enggau Bekal (UPKB), Opis Sekretari Pekara Wang Nengeri enggau Opis Perbendaharaan Nengeri Sarawak mansik atur dikena ngemanahka agi pengawa bejalaika bantu ngagai rayat, kelebih agi ari sukut efisyen dalam pengawa ngenataika bantu enggau prosedur.!”
Entara ke bisi datai iya nya Kepala Penulung Direktor (Polis), Tuan Haji Mohamad Sukri bin Kana; Penulung Pengarah, Puan Jacqualine anak Ramping; enggau Akauntan Unit Perbendaharaan, Puan Farihana Aniza binti Taha.
Sama ngarika Opis Pengintu Pengelantang Raban Bansa Sarawak iya nya Direktor iya, Tuan Haji Semawi bin Haji Mohamad begulai enggau Ketuai Bagi Pengintu Pengelantang Raban Bansa, Puan Nurin anak Chunggat.
Randau nya ngemeratka pengawa ngenegapka prosedur operasyen, ngenegapka atur pengawa wang enggau koordinasyen ti lebih beintegrasyen entara ejensi bekaul dalam ngatur Bantu Perubat enggau Bantu Penusah Ngenyit.
Pengawa tu dipeda beguna dikena nentuka tetiap bantu disalur enggau chara ti lebih sistematik, responsif sereta bepelasarka integriti, setipak enggau guna ke diatu.
Asil ari sesi tu dikearapka ulih ngangkatka pemanah sistem nganjung bantu ngagai rayat, lalu enggau nya ulih ngenegapka penyikap ejensi dalam napi sebarang penusah ngenyit enggau guna pengelantang pendiau di Sarawak. — RBI
