KUCHING, 16 Mei — Program Meri Kelala Lumba enggau Main Baru Floorball Renggat Nengeri Sarawak 2026 mujur diatur ba Arena Lumba enggau Main ti disereta raban nembiak enggau pesereta ari mayuh macham asal penatai.
Program ke diatur Opis Nembiak enggau Lumba Nengeri Sarawak ngembuan tuju deka meri kelala ‘floorball’ nyadi sebengkah lumba enggau main ke baru ke bisi potensial ngerembai ba raban nembiak enggau komuniti di nengeri tu.
Bala penyereta mega nerima iring enggau ajar ari Taqiuddin Izzat enggau Muizzuddin Bin Fared ti bekunsika penemu bekaul enggau pelasar main, teknik enggau chara bejalaika pekit ‘floorball’.
Program tu ukai semina meri penyereta penerang keterubah pasal lumba enggau main tu, tang mega dikearap ulih muka ruang ngagai pemansang enggau pengerembai main floorball di Sarawak, lalu ari nya ulih ngadaka mayuh agi atlit ke bisi potensial jemah ila.
Inisiatif baka tu mega setipak enggau pengawa ngenegapka pemansang lumba enggau main nembiak sereta ngerembaika kaul komuniti dalam aktiviti lumba enggau main ti bepengerai sereta kompetitif. – RBI
#ruaiberitaiban#newsiban#beritaiban
Rindu | Titih | Kunsika
