SIBU, 19 Jun — Tanah tengkerap diripotka nyadi ba Jalai Sibu–Tanjung Manis sehari tu lalu meri pengirau ngagai pengelikun penguna jalai alun nengah jalai nya.
Nitihka penerang ti dikunsi nengah Facebook Info Sibu, penguna jalai alun ti nengah kandang menua nya dilalau bejejimat agi sereta ngelubahka pejalai dikena nyeliahka sebarang penusah ke enda dikedekaka nyadi.
“Mensia mayuh mega ngarapka Opis Kereja Raya (JKR) Sarawak ulih bejalaika atur enggau lengkas nengah chara bejalaika kereja ngemanah ke patut dikena nentuka gaya jalai nya likun ditengah baru sereta dikena nyeliahka risiko penusah ke balat agi nyadi jemah ila” ku penerang nya.
Berindik enggau nya, penguna jalai alun dilalau ngambika seruran bejejaga, ngasika takah pengelaju ke udah ditetapka sereta beratika gaya ba atas jalai alun lebuh nengah kandang endur ke bisi tuntung penangul nya. — RBI
#Beritalban | Ruai Berita Iban
Rinduka | Titihka | Kunsika
