DEBAK, 10 Jun — Raban Penyaga Prang Periman Malaysia (APM) Debak udah nerima sebana bekaul enggau bisi ular sawa batik urung 4 kaki pemanjai ba rumah siku orang ke ngaga sebana.
Lebuh datai ba endur nya, raban APM tetemuka ular sawa nya belalai dalam jemari dalam rumah nya.
Operasyen nangkap ular dipejalaika enggau bejimat ngena perengka khas dikena nyaga pengelikun orang ke nguan rumah enggau bala kaban ke bejalaika pengawa.
Ular nya mujur ditangkap enggau nadai sebarang penusah nyadi sebedau dibai pansut ari genturung pendiau ngambika atur nangkanka nya dipejalaika.
Orang ke ngaga sebana ngenataika pengaga ati iya ngagai APM Debak ti jampat sereta profesyenal bejalaika pengawa mutarka penusah nya. — RBI
#Beritalban | Ruai Berita Iban
Rinduka | Titihka | Kunsika
