SEBAUH, 13 Jun — Pengawa ngerejista diri ba Lumba Bot Kuasa Sebauh 2026 diatu dibuka ngagai orang ti rinduka lumba enggau main ai ti deka nyereta lumba beprestij nya.
Lumba Bot Kuasa Sebauh 2026 dipelaba sekali agi nyadi fokus pesereta ari dalam enggau luar Sarawak, lalu enggau nya besemaya pekit ke beprestij sereta mandangka gaya ti ngerinduka ati ba kandang Sungai Kemena, Sebauh Bintulu.
Mensia mayuh ke bisi ati deka enggau lumba tu tau ngerejista diri nengah ‘online’ nengah link ke disediaka, lalu rintai nama pesereta ke udah ngerejista diri mega tau diperesa nengah platform rasmi pengatur.
Penerang silik pasal peminta penyereta enggau pekara ke bekaul, mensia mayuh tau betanya ngagai Cik Nurezatul ba lumur 014-681 2699 tauka Norman ba lumur 019-989 7955.
Bala pengatur mega ngelalau bala pesereta anang muai peluang nyadi sebagi ari pengawa ti beprestij tu, ti ukai semina ngelakuka lumba enggau main ai, tang mega bisi potensial nyungkak sektor dagang temuai enggau ekonomi menua tu.
Lumba Bot Kuasa Sebauh 2026 dikearap nyadi sebengkah ari pengerami lumba enggau main besai ti deka ngempuruka komuniti enggau orang ti rinduka lumba enggau main ai dalam suasana ti penuh enggau ulah lumba enggau main sereta penyerakup. — RBI
#Beritalban | Ruai Berita Iban
Rinduka | Titihka | Kunsika
