KUCHING, 19 Jun — Opis Menteri Industri Pemakai, Komoditi enggau Pemansang Kandang Menua (M-FICORD) udah bejalaika Kus Polisi Baru Pengurusan Prestasi Personel Perkhidmatan Awam Sarawak (e-Performance) ti udah nyadi kena 18 enggau 19 Jun 2026 ba Hotel Grand Margherita.
Kus tu entara inisiatif strategik opis menteri dalam ngenegapka sistem ngatur prestasi sektor awam nengah chara digital ti lebih sistematik, begempung sereta beorientasyenka data.
Tu seriris enggau pengawa Perintah Sarawak ti seruran dipejalaika dikena ngangkatka penyikar merintah enggau meri kuasa ngagai pengawa meri servis mensia mayuh ti lebih efektif.
Pengawa bejalaika sistem e-Prestasi tu ukai semina ngembuan tuju deka nganti mekanisme penilaian prestasi ke udah bisi, tang mega meri kelala langkar baru ke lebih komprehensif, objektif sereta meri empas tinggi dalam pengawa ngatur prestasi raban Servis Awam Sarawak.
Sistem tu ngemeratka sekeda sukut kunsi, nyengkaum:
Ukur prestasi ti lebih objektif, bepelasarka indikator prestasi ti setipak enggau juluk organisasyen dikena nentuka pengawa menilai dipejalaika enggau terang, konsisten sereta faktual.
Peninggi efisyen enggau pengeliat ati organisasyen, ngemuntangka pengawa nangkan ti jampat sereta efektif agi ba isu pengulih enggau prestasi ti udah dikelala.
Nempa budaya kereja ti adaptif sereta kompetitif, meransang pengereja pengawa ngambika responsif ngagai ubah rampa kereja ti dinamik sereta nambahka tikas profesionalisme.
Sukung ngagai pemansang kereja staf, nyendiaka pelasar ti terang sereta terang ungkup proses pertimbangan promosyen enggau pemansang kereja bepelasarka prestasi.
M-FICORD mega meri besai terima kasih ngagai Tim Pengatur Prestasi Perkhidmatan Awam (PANS) Sarawak, Unit Pembangunan Sumber Manusia, Jabatan Perdana Menteri Sarawak ti udah meri komitmen, iring enggau kerejasama ti enda ngetu dalam pemujur bejalaika kus tu.
Nitihka penerang ari M-FICORD, pemeri tim nya ngenataika penerang enggau iring ngagai pesereta udah meri nilai tambah ke signifikan dalam nentuka pemanah pengawa bejalaika kus e-Prestasi ba renggat opis menteri. — RBI
#Beritalban | Ruai Berita Iban
Rinduka | Titihka | Kunsika
