DEBAK, 25 Mei — Projek ngangkatmanah sistem parit ba kandang rumah panjai di Rumah Panjai Unjie, Nanga Pek, Debak meri pengelantang ngagai peranak menua nya ti deka dipejalaika kunteriktor ke udah dipaduka.
Nitihka penerang nengah ‘Facebook’ Sapit Premier Sarawak, Datuk Amat Douglas Uggah Embas, pengawa bejalaika projek tu dikearap bejalai enggau lanchar sereta tembu nitihka timpuh ke udah ditetapka.
Projek tu dibaruh kemata Opis Parit enggau Entali Ai (JPS) Bagi Menua Betong lalu pengawa ngepunka Projek Transformasyen Menua Pesisir (RTP) 2026 udah diserahka begulai enggau Palan Servis DUN N.37 Bukit Saban kena Hari Dua tu tadi.
“Ngarapka pengawa bejalaika projek tu bejalai enggau lanchar sereta tembu nitihka timpuh ke udah ditetapka ngambika ulih ngemanahka sistem parit enggau pengelantang peranak menua nya,” ku penerang nya.
Projek tu dikearap ulih meri penguntung ngagai peranak menua nya nengah pengawa ngemanahka sistem parit sereta pengawa ngangkatka tikas infrastruktur menua pesisir ba kandang menua nya. -RBI
