SANDAKAN, 29 April — Penusah angus nyadi ba Kampung PPH, Karamunting, ditu, tumu pagi tadi urung pukul 2.40 pagi.
Nitihka penerang keterubah ke diulih ari peranak menua nya, api berengkah angus maya nya sebedau raban penyelamat digerak ngagai palan penusah nyadi.
Berindik ari nya, raban Raban Penyaga Pengelikun Mensia Mayuh Malaysia (APM) Pelilih Sandakan dianjung mantu Opis Bomba enggau Penyah Penusah Malaysia (JBPM) dalam operasyen madamka api.
Kelimpah ari bejalaika pengawa madamka api, APM mega bejalaika pengawa nyaga pengelikun ba kandang endur ti kena penusah nya sereta meri bantu keterubah ngagai sida ti kena penusah nya.
Operasyen bersepadu ti ngaul mayuh bengkah ejensi bekaul terus dipejalaika dikena nentuka gaya nya ulih dijaga sereta pengelikun peranak ngelingi seruran dijamin.
Naka ke diatu, nadai penerang rasmi dikeluarka bekaul enggau penyampau pengerugi tauka orang ke bisi kaul, seraya pansik ke silik agi benung dipejalaika dikena ngelala pun penusah nya nyadi. — RBI
#Beritalban | Ruai Berita Iban
Rinduka | Titihka | Kunsika
Sumber, photo — APM Sandakan
