TATAU, 13 Jun – Sepenyampau 38 pintu rumah panjai baru di Rh. Nanang Anak Sanggau, Sungai Senunok, Tatau nerima bantu kereban dikena ngaga rumah dalam tukuh musik (tile) nengah Projek Mesra Rakyat (MyKhas) ti dikenataika nengah agih belanja Kaban Parlimen P.214 Selangau, Edwin Anak Banta.
Bantu nya dikena mantu nembuka perengkaguna endur diau dikena ngangkatka tikas pengelikun, pengelikun enggau pengelantang peranak menua nya.
Inisiatif nya mandangka komitmen ti seruran dipejalaika Kaban Parlimen Selangau dalam nentuka pekara ke diguna komuniti menua pesisir terus dikemeratka nengah pengawa bejalaika projek ti meri penguntung terus ngagai rayat.
Nengah pengawa bejalaika Projek Mesra Rayat (MyKhas), peranak Rh. Nanang Anak Sanggau diatu bisi peluang ngasaika rampa endur diau ke lebih lantang, likun sereta kondusif, lalu enggau nya meri pangka ngagai pengawa ngangkatka kualiti pengidup komuniti setempat.
Palan Servis Parlimen P.214 Selangau ngarapka bantu ke diberi nya ulih dikena penuh semua peranak rumah panjai nya sereta ngenegapka semengat begulai dalam ngemansangka genturung pendiau ke lantang sereta ulih idup.
Setipak enggau aspirasyen pemansang ti dibai, semengat kerejasama enggau penyerakup terus nyadi batang pengawa meransang penyulut komuniti, beserimbai enggau rambai jaku “Besarakup Nuju Pemansang”. – RBI
#ruaiberitaiban#newsiban#beritaiban
Rindu | Titih | Kunsika
