KUCHING, 16 April – Ba taun nyin kemari aja, lebih RM16 bilion puku mujur dirikodka seraya nunjukka pengandal ke tinggi ba potensyel ekonomi Sarawak.
Berindik enggau nya, Sapit Premier Sarawak Datuk Amar Awang Tengah Ali Hasan mega meri chunto pemujur pengawa meranakka puku dalam sektor semikonduktor di Samajaya Free Industrial Zone, ke alai kompeni X-FAB udah ngerembaika operasyen sida lalu mujur muka lebih 30,000 peluang gawa ungkup rayat Sarawak.
“Kami andal amat bepelasarka pengering ke bisi enggau strategi ti dipejalaika Premier kitai, ukai semina kitai deka nambahka aktiviti ekonomi tradisional, tang nya udah ngayanka pemujur dalam nyeranggap ekonomi kitai ti nyadika iya penumbuh ekonomi ti tinggi enggau berega tinggi,” ku iya nerang.
Awang Tengah mansutka jaku nya rambau Pengerami Ngelaluka Pengabang Aidilfitri ke diatur Opis Menteri Dagang Antarabansa, Industri enggau Meranakka Puku (MINTRED) Sarawak, di Kuching, lemai kemari.
Awang Tengah mega nerangka, Sarawak terus nyadi destinasyen besai dalam sektor meranakka puku ti bejalaika tanggungpengawa ke besai dalam pemansang ekonomi nengeri, ku .
“Dalam timpuh lima taun ke udah, lebih RM116 bilion puku udah dikemendarka di nengeri tu.
“Pia mega dalam industri teknologi tinggi lalu Perintah Besai endang deka nyadika Sarawak nyadi hab ukai semina pemansang kuasa ulih dikemaru tang mega pemansang semikonduktor, industri aerosingka miga, sektor servis ti deka ditegapka kami,” ku iya ke mega Menteri Dagang Antarabansa, Industri enggau Meranakka Puku Sarawak. -RBI
