MUKAH, 26 April — Kaul Seraheng Kakan terus dipebasa nyadi pesaka besai main asal Melanau ti mengkang relevan dalam ngetanka identiti budaya enggau nilai rohani komuniti.
Pengerami tu nyadi pemuka tirai ungkup Pesta Kaul ti ninting taun matak temuai ari dalam enggau luar menua ngagai Mukah.
Nitihka Sapit Menteri Pengerai Malaysia Dato Hajjah Hanifah Hajar Taib, pengawa tu ditampung setiap peturun, Kaul Seraheng Kakan ngelambangka peminta ba pengelikun, pengelantang enggau jereki ngagai semengat penyaga rampa menua ti mungkur tasik, sungai enggau darat.
“Pemeri simbolik ‘seraheng’ ngagai Ipok mandangka pengarap komuniti Melanau ke dalam ba timbang kaul entara mensia enggau rampa menua.
“Pengawa tradisional tu dipunka enggau pengawa ngerintaika perau ke diias mai ‘seraheng’ ari jelatung ngagai palan besai Kaul, ngayanka semengat kerejasama enggau penyereta komuniti lokal ke chakah.
“Pengerami nya udah nya diteruska enggau ritual ari Bapa Kaul ti bejalaika tanggungpengawa ti beguna dalam nentuka penerus adat tu sereta dipejalaika nitihka tradisyen,” ku iya.
Tampung Kaban Parlimen Mukah nya, lebih ari semina ritual aja, Kaul Seraheng Kakan mega nyadi pelasar ngagai komuniti bemacham bansa enggau penatai asal begempung sereta ngerami penyelai budaya Melanau.
“Pengawa ngatur iya ukai semina ngetanka pesaka asal aki ini kitai kelia, tang mega bisi potensial ngenegapka sektor dagang temuai enggau ekonomi menua tu, lalu enggau nya nentuka tradisyen tu terus meruan ungkup rebak dudi hari,” ku iya. -RBI
#ruaiberitaiban#newsiban#beritaiban
Rindu | Titih | Kunsika
