KOTA SAMARAHAN, 13 Jun — Bagi Pansik enggau Penerit Adat Trafik (BSPT), Indu Opis Polis Pelilih (IPD) Kota Samarahan bejalaika Op Mabuk di Jalai La Promenade berengkah pukul 11.50 malam kena 12 Jun 2026 nyentuk pukul 4.00 pagi 13 Jun 2026.
Operasyen nya mungkur siku Pemesai Kanan Polis, tujuh iku pemesai trafik enggau sepuluh iku kaban ari mayuh bengkah pampang IPD Kota Samarahan.
Sepemanjai operasyen nya, sepenyampau 67 buah entukar enggau 70 iku individu diperesa.
Asil peresa ngena perengka tisih alkohol SD2+ ba tiga iku individu tetemuka siku lelaki menua tu beumur urung 33 taun disahka positif ketegal deriba maya mabuk, lalu dua iku individu bukai ditemu negatif.
Perengka SD2+ iya nya kereban tisih tumu ti dikena jampat nyidi bisi alkohol ba tubuh deriba sebedau atur nangkanka nya dipejalaika nitihka penetap undang-undang.
Ba operasyen ke sama, polis mega ngeluarka 25 iti saman PDRM (K) 257 ketegal bemacham penyalah trafik ke ditemu.
Polis DiRaja Malaysia nyemetak madahka operasyen baka tu deka terus diangkatka ari sesiti maya ngagai sesiti maya nyadi pengawa ti seruran dipejalai dikena nentuka pengelikun penguna jalai alun, nambahka pengasi nitihka undang-undang sereta ngurangka risiko bebadi ketegal deriba maya mabuk. — RBI
#Beritalban | Ruai Berita Iban
Rinduka | Titihka | Kunsika
