BINTULU, 22 Mei — Sapit Premier Sarawak, Datuk Amar Douglas Uggah Embas ke mega Menteri Pekara Wang enggau Ekonomi Baru Kedua Sarawak sereta Menteri Infrastruktur enggau Pemansang Palan Penyangkai Kapal sehari tu bejalaika pengawa ngabas palan projek begulai enggau Opis Kereja Raya (JKR) Nengeri Sarawak ngagai pengawa ngaga dua jalai alun ari Jematan Tun Taib nuju Padang Bilun Bintulu
Penemuai nya dikena nyendiaka diri napi penemuai rasmi Premier Sarawak Datuk Patinggi Tan Sri (Dr) Abang Haji Abdul Rahman Zohari bin Tun Datuk Abang Haji Openg ti diperambu deka diatur pagila.
Projek ke beungkus RM69.9 juta nya mungkur pengawa ngaga dua jalai sepemanjai 4.1 kilometer lalu dipelaba tembu bulan Oktober 2027.
Nengah projek nya, pejalai ari Mengeri Bintulu ngagai Padang Bilun Bintulu dikearapka lanchar sereta pandak agi, lalu ari nya ulih nambahka tikas penyambung sereta nyukung pemansang sitak Bintulu ke jampat.
Penemuai ngagai palan nya betuju beratika baru pejalai projek keterubah sereta nentuka semua pengawa nyendiaka diri bejalai enggau lanchar sebedau penemuai rasmi Premier Sarawak.
Projek infrastruktur strategik tu dipeda nyadi pematak ngagai penumbuh ekonomi enggau mobiliti peranak ba kandang menua Bintulu setipak enggau agenda pemansang Sarawak ti majak nyadi.
Sama bisi nyempulang iya Sapit Direktor JKR Sarawak, Ir. Wisil Lichok, Sapit Direktor JKR Sarawak, Ts. Meehan Anak Jorai, Penulung Direktor Prinsipal Kanan, Ir. Fum Sze Chee enggau; enggau Injinir Bagi Menua Bintulu, Ir. Lau Sie Hung. – RBI
#ruaiberitaiban#newsiban#beritaiban
Rindu | Titih | Kunsika
