SARATOK, 7 Mei 2026 – Pekit Tinju Bakat Junior enggau Nembiak Renggat Negeri Saratok 2026 ke diatur ba Dataran Sri Kalaka mujur nyadi pelasar endur nyerungkai bakat atlit biak sereta nerenakka ulah lumba enggau main ba raban nembiak.
Pengerami bejadika gelar champion nya dipenyadi Kaban Kunsil Nengeri (ADUN) Kalaka Tuan Haji Mohamad Duri.
Nitihka penerang nengah ‘Facebook’ Opis Pemadah Malaysia Pelilih Saratok, opis nya diberi basa laban diberi tanggungpengawa nyadi tuai rumah rasmi pengerami nya kelimpah ari nyendiaka servis kereban media sepemanjai program nya diatur.
“Pengawa terima kasih enggau tabi puji ke pemadu tinggi dikenataika ngagai pengatur ketegal pengarap ke diberi,” ku penerang nya.
Penerang nya mega madahka program ke baka tu patut diteruska laban nyadi medium dikena nerenakka ulah lumba enggau main kelimpah ari meransang pengawa idup bepengerai ba raban bansa, kelebih agi raban nembiak.
Pekit nya mega nerima timbal ke chukup meransang ari pesereta enggau penyukung tinju ari mayuh bengkah kandang menua di nengeri tu. — RBI
