KUCHING, 26 Mac – Pekit belagu Bintang KMP 2026 deka manggai ba tikas ke dianti lebuh renggat ke penudi diperambu deka diatur kena 9 Mei ba Aeroville Mall, Kuching, beserimbai enggau Bazaar Stutong Gawai Dayak 2026.
Pengawa ke diatur Kaban Music Production (KMP) Sdn. Bhd nyadi pelasar beguna dikena mantaika penau baru ba raban nembiak Iban, senipak enggau rambai jaku “Gema Suara Gawai” ti mantaika penyelai budaya enggau muzik menua tu.
Pengawa ngambi bagi dibuka ngagai individu ke beumur 16 ngagai 25 taun enggau syarat, sida nadai kala ngerikod lagu enggau sebarang produksyen.
Penyereta mega meseti lalu semina mantaika lagu Iban ti dikeluarka KMP sepemanjai pekit nya diatur.
Kelimpah ari meri penerang ngagai raban nembiak, pekit tu mega narit ati laban penyereta enda bebayar, lalu enggau nya meransang mayuh agi raban nembiak datai ke mua sereta nguji.
Mensia mayuh ke bisi ati tau ngerejista diri nengah lumur 011-58576148.
Program tu mega disukung nengah kerejasama strategik iya nya Kesera Kelas Seni Budaya Anak Sarawak enggau BiuBiu Event & Entertainment. -RBI
Infografik pekit
