Nembiak lelaki beumur 15 taun lemas ba Sungai Bangkit Katibas
KAPIT, 22 Mac – Tubuh siku nembiak lelaki beumur 15 taun ditemu lemas ulih peranak rumah panjai urung pukul 3.15 lemai, urung 100 meter penyauh ari endur iya kepenudi dipeda ba Sungai Bangkit Katibas.
Penusah ti nyadi besemak enggau Rumah Sebastian Tambi, Nanga Bangkit, Song, .
Nembiak nya dikelala enggau nama Sylvester Jarbis Mesin diripotka pansut mandi enggau dua iku bakih iya urung pukul 12.30 tengah hari sebedau penusah nya nyadi.
Tubuh tudah udah nya dibai ngagai Klinik Nanga Bangkit ngambika atur silik agi dipejalaika.
Nitihka penerang ari Opis Bomba enggau Penyah Penusah Malaysia (JBPM) Sarawak, sida nerima kangau ngenyit pukul 1.15 lemai sebedau seraban bomba ari Balai Bomba enggau Penyah Penusah Song dianjung ngagai palan penusah nyadi.
Operasyen nyelamat mega betapi enggau pemar laban endur penusah nya nyadi penyauh 65 kilometer lalu semina ulih dilawa ngena perau aja. – RBI
Info kredit Astro Awani
Gambar : JBPM
