MIRI, 8 MAC – Projek Ngemanahka Bekau Jalai Batang ti mungkur jalai nuju Mubui ke panjai 6.1 kilometer enggau Long Tungan panjai 8.6 km benung digag
Opis Kereja Raya (JKR) Sarawak madahka, projek tu nyengkaum ngaga dua buah jematan iya nya Jematan Sungai Selaan di Mubui enggau Jematan Sungai Batu Buan di Long Tungan.
“Status bejalaika empat bengkah skop projek tu udah nyapai tikas 64.46 peratus penyulut,” ku penerang JKR Sarawak.
Pengawa bejalaika projek tu dikearap ulih meri pemaik ke besai ngagai komuniti lokal nengah pengawa ngemanahka perengkaguna komunikasyen, lalu ari nya ulih nyukung pemansang sosio-ekonomi di kandang menua ulu Bagi Menua Miri. -RBI
