LAWAS, 9 April – Siku lelaki ke beumur urung 37 taun mujur diselamatka sepengudah ditinggang pun kayu ba penusah ke nyadi di Kampung Murud Suang, ditu, sehari tu tadi.
Palan Operasyen nerima kangau ngenyit pukul 12.04 tengahari sebedau luching penusah ngenyit ditebah 30 sikin udah nya.
Raban bomba ari Balai Bomba enggau Penyah Penusah (BBP) Lawas berumban ngesah ngagai bepalan penusah nyadi urung 38 kilometer penyauh lalu datai urung pukul 1.13 lemai.
Komander Operasyen ngeripotka, lebuh datai ba endur nya, raban iya bejalaika pengawa ‘size-up’ lalu tetemuka tudah dalam gaya setengah ngeleda pengudah ditinggang pun kayu.
Raban bomba begulai enggau kaban Opis Menteri Pengerai Malaysia (KKM) terus meri perubat keterubah sebedau ngena juli ngemai tudah lelaki nya pansut ari palan penusah nyadi ke urung 800 meter penyauh nengah jalai ke bebukit.
Tudah lelaki nya udah nya dibai ngena entukar pikap ke diempu mensia mayuh sebedau diserah ngagai Opis Menteri Pengerai ngambika dibai ngagai sepital ngena ambulan ngambika diperubat enggau silik agi.
Operasyen nya mujur dijaga pukul 1.14 lemai lalu tembu abis pukul 2.08 lemai. -RBI
