KUALA LUMPUR, 8 April – Opis Menteri Pelajar Malaysia (KPM) madahka sepenyampau 6,717 iku chalun ke bulih pemutus peresa nyulut iya nya 10A ke atas ba peresa Sijil Pelajaran Malaysia (SPM) 2025 deka diberi endur ba Program Matrikulasi ungkup sesi 2026/2027.
Nitihka KPM, tawaran nya automatik diberi ngagai semua chalun ke udah minta masuk Program Matrikulasi enda ngira bansa enggau penatai.
Berebak enggau nya, KPM nyemetak madahka kuota penerima ke diatu iya nya 90 peratus ungkup raban Bumiputera mengkang sereta enda dikeruga. -RBI
