KUCHING, 25 Mac — Unit Pekara Jalai Pengarap Bukai (UNIFOR) deka ngatur Program Meri Darah 1.0 nyadi siti pengawa dikena ngenegapka agi penyedar komuniti senentang pemesai guna meri darah dalam nyelamatka nyawa.
Program tu diperambu deka diatur kena Hari Minggu, 19 April 2026, berengkah ari pukul 10.00 pagi nyentuk pukul 3.00 lemai ba Aeroville Mall, Ringkat 1, Jalai Stutong Baru.
Inisiatif tu dipejalaika nengah kerejasama Tabung Darah Sepital Besai Sarawak (SGH) sereta raban pengatur pengawa Aeroville Mall, lalu enggau nya mandangka komitmen ti seruran dipejalaika mayuh bengkah piak dalam nyukung guna bekal darah ti chukup di nengeri tu.
Pengawa ngatur program tu mega meri peluang ngagai mensia mayuh datai ke mua nyadi pemeri darah sukarela sereta meri bantu ngagai pengelantang komuniti kelebih agi pesakit ti begunaka transfusyen darah.
UNIFOR ba penerang iya minta mensia mayuh ngambi peluang nyereta program tu, setipak enggau rambai jaku “Every Drop Brings Hope”, dikena mantu nyelamatka mayuh agi nyawa.
Mensia mayuh dilalau datai sereta sama bela ngemujurka inisiatif komuniti tu. — RBI
Sumber, grafik — Unit For Other Religions – Unifor
