KUCHING, 23 Mac — Siku lelaki beumur urung 20 taun bakal mimit pengudah aksiden ba Simpang Baki Lama, Jalai Kuching–Serian, tumu pagi Hari Satu.
Opis Bomba enggau Penyah Penusah Malaysia (JBPM) nengah penerang berita madahka tudah ke deriba kerita Proton Saga enda tepekul dalam entukar nya lalu semina bakal mimit aja.
“Sebengkah tim ari Balai Bomba enggau Penyah Penusah Serian udah dianjung ngagai palan penusah nyadi pengudah nerima kangau ngenyit urung pukul 6.24 pagi,” ku penerang nya.
Nitihka penerang ari JBPM, tim Servis Penyelamat Perubat Kecemasan (EMRS) meri perubat keterubah ba palan penusah ke nyadi sebedau tudah dianjung ke sepital ngambika diperubat enggau silik agi.
Penerang nya nambah, raban bomba mega benung bejalaika pengawa meresi ba palan penusah ke nyadi dikena nentuka pengelikun penguna jalai alun seruran dijamin. — RBI
