BETONG, 23 MAC – Siku indu tuai umur lenyau rumah pengudah penusah angus nyadi ba palan pengentap pendiau iya di Kampung Tuie, Debak, kemari.
Nitihka penerang ari Opis Bomba enggau Penyah Penusah Malaysia (JBPM) Sarawak, kangau penusah ngenyit nya diterima urung pukul 1:09 ngalih hari.
Raban bomba ari Balai Bomba Betong terus ngesah ngagai palan penusah ke nyadi, ke bepalan urung 50 kilometer ari endur nya.
“Lebuh datai dia, raban bomba tetemuka sebuah rumah ukai tetap udah angus lengis.Api mega bisi nyerarai lalu mai pengerusak mimit ngagai dua buah rumah ke besemak.
“Taja pia, nadai penusah bebadi nyawa diripotka maya operasyen nya dipejalaika,” ku raban Bomba.
Tim bomba jampat bejalaika operasyen ba penusah angus ngena hos 400 kaki, ngambi ai ari tangki nyimpan ai ba palan pengentap pendiau nya ngena pam ai.
Operasyen nya mega meri pemar laban kandang endur nya mar dilawa, nagang injin berat tama.
Operasyen nya tembu pukul 5:10 lemai, lalu tim nya pulai baru ngagai stesyen nya
