KUCHING, 24 Mac – Siku lelaki ke sebedau tu diripotka lenyau ditemu selamat kena lemai 19 Mac.
Individu nya, Fredenick Anak Petrus, 21 taun, bansa Iban sereta gawa nyadi soldadu ari Kem 6 RRD Ulu Tiram, Johor ditemu lalu dibai Polis Soldadu (MP) ngagai Kem Muara Tuang, Kota Samarahan urung pukul 5.00 lemai.
Nitihka penerang ari Pemesai Pemansik, Asp. Mohammad Ali Bin Amat, kes nya diatu dianggap udah tembu pengudah tudah nya ditemu.
Dulu ari tu, iya ke gawa nyadi soldadu diripotka lenyau ari Pos Pengentap Pendiau Pulau Pandanan pengudah enda ngayanka diri maya pengawa bebaris pagi urung pukul 7.00 pagi.
Piak bekuasa mega meri besai terima kasih ngagai kerejasama semua piak ti bisi kaul enggau pengawa ngiga endur individu nya. – RBI
