KOTA SAMARAHAN, 1 Mac – Raban Penyaga Orang Periman (APM) Samarahan mujur nangkap siku ular tedung ke ngembuan pemanjai 13 kaki dalam operasyen khas di Kampung Jegoi, sehari tu tadi.
Nitihka penerang berita ari APM Samarahan, sida nerima kangau ari mensia mayuh bekaul enggau penatai ular nya ti ngasuh sida irau lalu tau mai penusah ba kandang endur sida diau.
Orang ke ngaga sebana nya ngeripotka bisi meda ular semak rumah iya, lalu enggau nya ngasuh iya irau ati ke pengelikun kaban belayan iya.
Tekala nya pengudah nerima penerang nya, tiga iku raban Tim Foxtrot APM Samarahan berumban ngesah palan penusah nyadi ngambika bejalaika operasyen pengawa nangkap ular nya.
Lebuh datai ba palan nya, raban APM Samarahan tetemuka siku ular tedung ke ngembuan pemanjai 13 kaki besemak enggau rumah orang ke ngaga sebana nya.
Operasyen nangkap ular nya ngambi timpuh urung 15 minit sebedau iya mujur ditangkap ngena chara sintak enggau panjuk.
Nadai penusah bakal diripotka nyadi ba penusah nya.
APM Samarahan ngelalau mensia mayuh ngambika enda bejalaika atur kediri enti napi gaya ti ngaul jelu bisa, tang nganti nya tekala nya ngaga kangau minta bantu enggau piak bekuasa dikena nyeliahka risiko ti enda dikedekaka.
Sebarang penusah ngenyit tau dipadah ngagai APM Samarahan ba lumur 082-672999 tauka lumur penusah ngenyit 999. -RBI
