KUCHING, 22 Mac — Sepenyampau 33 projek ngaga jematan di serata Sarawak udah mujur ditinda nyadi sebagi ari komitmen Opis Kereja Raya (JKR) Sarawak ti majak ngenegapka pemansang menua pesisir.
Nitihka penerang Opis Kereja Raya Sarawak, pengawa bejalaika projek tu mungkur beberapa bagi besai iya nya Serian, Sri Aman, Mukah, Limbang, Sibu, Kapit, Bintulu enggau Miri.
Semua projek tu dikearapka meri empas ke besai ba pengawa ngemanahka rangkaian penyambung jalai, lalu enggau nya ngemudahka akses peranak ngagai mayuh macham perengka guna asas enggau servis ke beguna.
“Inisiatif tu ukai semina ngenegapka infrastruktur asas, tang mega nyukung penumbuh ekonomi menua pesisir sereta ngangkatka kualiti pengidup rayat selampur,” ku penerang nya.
Nambahka penerang nya, Opis Kereja Raya Sarawak deka terus komited nentuka tetiap projek dipejalaika enggau meruan, likun sereta nitihka standard kualiti ti ditetapka ungkup pengelantang rayat. — RBI
