SARIKEI, 22 Mac – Pengeransing ngenegapka infrastruktur menua pesisir majak ditegapka lebuh tiga buah jematan baru di Sarikei mujur tembu digaga, lalu ari nya ulih ngangkatka perengkaguna komunikasyen enggau pengelantang pendiau peranak menua nya.
Ketiga – tiga projek nya mungkur pengawa ngaga Jematan Sungai Kemalih di Rh Ngelantar, Jematan Sungai Kemalih di Rh Sang enggau Jematan Sungai Kakup di Rh Suntik.
Nitihka penerang ari Opis Kereja Raya (JKR) Sarawak, penembu ketiga – tiga jematan tu ukai semina deka ngemanahka aksesibiliti peranak menua pesisir, tang mega deka ngenegapka sukut pengelikun pejalai ninting hari.
Kelimpah ari nya, perengka guna infrastruktur dikearap ulih meri empas positif ngagai pemansang sosioekonomi komuniti lokal nengah chara ngemudahka perengka pengangkut, aktiviti ekonomi enggau akses ngagai servis asas.
JKR Sarawak nandu baru komitmen deka terus bejalaika projek pemansang ungkup pengelantang rayat, setipak enggau rambai jaku “We Build For You”. – RBI
Kredit Jabatan Kerja Raya Sarawak
